Teufelskraft durch Farnsamen

  Heinrich Marx aus Pesch
  Henßen (s. Das alte Dorf Engelgau) Nr. 111f

Hee jeng die Saag, wenn me op ne Krützwäg jeng, dann kregg me Farnsoom, dat woe Stärk (Kraft). Nue send ens drei Zengzeme Jonge noh Nöddeschem op de Kermes jejange on senn erus jeworpe wore. Wie se noh Hus senn komme, du sen se op ne Krützwäg jejange, öm Stärk ze kregge. Nu sen se des angere Ovends no Nöddeschem ze Kermes jejange, on du hann se do alles erus jeworpe.

Eenige Johre donoh du senn zwei Jonge dann jestorve. Eener hott ne jeestliche Broder jehatt. Nu wued verzallt, dat deä en Mönstereefel en de Kerch van ne Franziskanerpater en en Bött Wiewass (Weihwasser) jestellt wued. Et wied vezallt, wie deä en die Bött ös jewäes, wäe dr Düvel erenn komme on hät jesaht: „Wenn du dat Kränzche (Tonsur bei Mönchen) net om Kopp hötts, dann soll ich dich wall us dähm Pöhlche (Wasserloch) kregge.“

On du wäe dr Düvel fott jewäes. Du woe dä Jong befreit. Dat hann ich verzälle hüre van de aal Löck.

Quelle: www.sophie-lange.de