Schruff, Nettersheim, 1914
Em Klueste Steenfeld hät fröhe de sellige Hermann Joseph jeläevv. Öm vier Uhr des Nommedags wure de Mette (Messen) en de Kerch ze Steenfeld jesonge. Jedesmol jeng Hermann Joseph zor Mette. Ens des Nommedags trog et sich zo, dat se em Heu wore onge em Tall. Du lögg et zor Mette.
Hermann Joseph wor an de Ärbet hönge am Weiher. Zo beede Sidde wore de Knäete am ärbede; die säte: „Höck soll eä net en de Mett komme!“ on wolle öm hale. Jetzt jeht dä Hermann Joseph möt drügge Föß övve et Waße. Du hann se jeseen, dat se et möt nem angere ze dohn hatte. Van do aan hann se ön en Rouh jeloße.
Ens hodde de angere Mönche sich beschwert, dat Hermann Joseph ze lang de Mess däht; du hätte se ehn „de Käezeverbrenner“ jenannt. Du hann se de Käeze vüe de Meß jewoge on ooch noh de Meß: du wore se schwäete (schwerer) wie zevüe. Van de Zitt aan hann se nühs mih jesaht.
Quelle: